Bujang Senang

Bujang Senang

21 Dis 2016

Mawan dipelaba nyukung RUU 355


Kaban Parlimen Saratok, Tan Sri William Mawan Ikom madah iya deka ‘nyauka nyengala’ nyukung begulai enggau bala MP ke bukai ari Barisan Nasional (BN) ba pengawa ngubah Kort Syariah (Bidang Kuasa Jenayah) Akta 1965 (Akta 355).
Mawan ke mega Kaban Kunsil Nengeri (ADUN) Pakan ke nadai parti madah, laban pengawa deka ngubah undang-undang diatu bepanggai ba jari perintah Barisan Nasional (BN), iya bisi pematut ari sukut moral nyukung nya.
Mayuh bala penyakal deka ngemba mensia mayuh, rayat patut ingat Malaysia iya nya menua pupu bansa, nya alai semua komuniti meseti belajar malas, ku iya lebuhka dikerandau kemari.
“Maya deka datai ila alai kitai (Dayak) deka begunaka MP ukai-Dayak nyukung undang-undang bekaul enggau adat, pengawa asal enggau pengarap lama ti semina mangka komuniti Dayak. Nyema undang-undang nya diperambu BN,  semua MP ukai-Dayak ari BN enda tau enda malas betuaika sukung moral. Sida (ukai-Dayak) nyangka enda meretika adat, pengawa asal enggau pengarap lama baka kitai, tang nyadi MP BN sida enda tau enda nyukung kitai,” ku Mawan ke mega Presiden Gerempung Bansa Dayak Sarawak (SDNU).
“Nyadi MP BN ke chulin, aku nyauka nyengala, begulai enggau bala MP BN ke bukai, nyukung Akta 355. Kami enda tau kelalu ngira diri tauka kelalu ngenemuka diri. Lalu perintah tu nyamin kitai laban undang-undang tu nadai besiping,” ku iya nambah.
Lebuh nerang baru, undang-undang Hudud tu kasar, ku Mawan, endang patut nundang-undang nyadi penyeliah. Ku iya, patut nadai kebuah ngagai ukai-Islam nangika undang-undang ke nadai mangka sida.
Iya mansutka jaku tu pengudah pengawa nyuaka tepa ti disuaka pampang SDNU Taman Malihah ba opis iya di Jalai Rubber ditu kemari. Tepa tu iya nya Duku Chandong diberi ngagai iya ba pengawa ngelancharka pampang nya kena 9 Disember, lebuh iya diarika Ketuai Raban Nembiak SDNU, Churchill Edward bejadika nya.
Kena Hari Satu, Chairman Parti Keadilan Rakyat (PKR) Sarawak Baru Bian madahka perintah ti ngasuh semua MP BN enda tau enda nyukung perambu PAS ngemanahka Kort Syariah nengah pengawa ngubah Akta Kort Syariah (Bidang Kuasa Pengawa Salah Akta 1965) (Akta 355), pengudah perintah besai nerima rang undang-undang nya, deka nyadi penguji ngagai pengelurus enggau penegap prinsip ketuai BN nengeri.
Taja pia, lebuh iya nguji ngeringatka bala MP BN nengah pengawa madah perintah nya dipeda baka ke mejal sida (MP BN) di Sarawak ngambika nyukung Rang Undang-Undang.
“Taja pia, sida nadai pilih bukai tang nyukung nya (Rang Undang-Undang) laban dalam gempung BN. Nyata nadai pilih bukai diberi ngagai sida, nya kebuah aku madahka tu deka nyadi penguji ngagai bala MP BN kitai ba pekara prinsip enggau pemerat ngagai peranak Sarawak laban tebal agi bala kitai, dalam sebarang pekara kea nyadi pengudah tu, nya tetap Hudud,” ku Baru ke mega nyadi ADUN Ba’Kalalan.
Baru mega madahka konstitusyen Rang Undang-Undang laban tu deka betentang enggau pemereti ati ke dijapai bala ketuai dulu suba tauka penengkebang nitihka penumbuh Malaysia ke alai Malaysia patut mengkang nyadi menua  diperintah enggau atur ba undang-undang sereta ukai undang-undang jalai pengarap.

0 komentar: