Bujang Senang

Bujang Senang

21 Jun 2016

Pemujur BN di Sungai Besar, Kuala Kangsar mandangka sukung positif pengundi China


Pemujur Barisan Nasional (BN) di Pengawa Bepilih Mit (PRK) Parlimen Sungai Besar enggau Kuala Kangsar mandangka sukung udah ngalih ngagai BN nengah chara ke positif kelebih agi pengundi China, ku Sekretari Besai BN Sarawak Datuk Dr Stephen Rundi Utom.
Iya mega madah taja undi PAS enggau Parti Amanah Negara (PAN) diserangkum, BN mengkang enda ulih dialah.
“Sigi enda disangkal, pekara ke nyadi dalam Pakatan Harapan (PR) ke udah pambar sereta chalun (BN) ke diterima rayat udah nentu pemujur BN di kededua sitak bepilih.
“Sekalika Pengawa Bepilih Besai ke-14 (PRU14) deka diadu tumu, semua dilempai ngagai ketuai renggat tinggi BN ngaga pemutus.
“Tang tu mih peluang pemadu manah BN bepelasarka momentum positif ungkup BN maya ke diatu,’ku Dr Rundi.
Momentum positif ungkup BN ulih diasai kelebih agi pengudah pemujur besai ke ditempa BN Sarawak rambau Pengawa Bepilih Besai Nengeri Ke-11 (PRN11) 7 Mei tu tadi, tandu iya.
Ba pengawa bepilih ke diadu Hari Enam tu tadi, chalun BN di Sungai Besar, Budiman Mohd Zohdi bulih 16,800 undi ngalahka chalun PAS Dr Abdul Rani Osman enggau chalun Amanah, Azhar Abdul Shukur.
Di Kuala Kangsar, chalun BN Datin Mastura Mohd Yazid menang nengah 12,653 undi ngalahka chalun PAS, Dr Najihatussalehah Ahmad, chalun Amanah Prof Dr Ahmad Termizi enggau chalun ngatika diri Izat Bukhary.
Borneo post

0 komentar: