Kepala Menteri Datuk Patinggi Tan Sri Adenan Satem deka betemu enggau Menteri Besai ila (sehari tu), bejuraika sentang atur mulaika kuasa, ripot Komiti Entara Perintah (IGC), Sempekat Malaysia 1963 (MA63).
Aum renggat kedua nya pengudah renggat keterubah mujur diadu kena 13 Jun tu tadi bela bejuraika Akta Malaysia, Undang-Undang Perintah Besai enggau dokumen betulis ke bukai baka Ripot Suruhanjaya Cubbold.
Nitihka penerang ari Opis Kepala Menteri kemari, Adenan ba aum nya ila deka nyuaka dua memorandum ngagai Menteri Besai Datuk Seri Najib Tun Razak sentang pemutus runding Perintah Nengeri bekaul enggau pekara nya.
Langgur penemu nya minta mandat Perintah Nengeri ngetanka sekeda hak undang-undang nengeri Sarawak ungkup pemaik peranak nengeri.
Nya nyadi sebengkah atur ke beguna ke alai Sarawak nengah embing Adenan ulih mantupka peneka peranak Sarawak ngambi semua pekara ke setuju maya numbuhka Malaysia sereta pekara ke udah ditetap Ripot Suruhanjaya Cubbiold, IGC enggau Sempekat Malaysia 1963 dipebasa lalu dititih.
Dulu agi ari tu iya nya kena 21 Januari 2016, Adenan udah mujur ngambi pulai kuasa ba 13 bengkah pekara ari Perintah Besai.
Borneo post
0 komentar:
Catat Ulasan