Bujang Senang

Bujang Senang

Jul 11, 2016

Polis patut mansik baka ni Sarawak Report bulih penerang audit 1MDB


KUALA LUMPUR: Polis patut lengkas mansik baka ni Sarawak Report, laman web ke bepengkalan ba London, bulih sebagi ari penerang ripot Ketuai Audit Menua pasal 1Malaysia Development Bhd (1MDB).
Menteri Komunikasyen enggau Multimedia Datuk Seri Dr Salleh Said Keruak madah, pansik nya patut digaga lengkas dikena nentuka dokumen rahsia nengah Akta Rahsia Rasmi (OSA) ke tiris nya enda majak ngerembai, laban iya tau ngeruga pengelikun menua.
“Sekeda dokumen perintah diaku nyadi dokumen rahsia lalu iya dirintai ba baruh OSA. Nengah akta tu betuju nentuka pengelikun menua.
“Ripot pasal Sarawak Report ngembuan penerang ke dijaga Akta Rahsia Rasmi patut dipansik polis,” ku iya nengah sebengkah penerang kemari.
Salleh madah, nyema udah dikelala ari ni penatai tiris, orang tauka ejensi ke bekaul ulih ditinggang ukum ba kot.
Enti nadai atur terit baka nya, integriti enggau pengelantang menua muntang dikeruga, ku iya.
Ensanus, Malaysiakini bisi mansutka berita pasal Sarawak Report nyibur sebagi ari penerang ripot Ketuai Audit Menua pasal 1MDB. — Bernama

0 komentar: