Bujang Senang

Bujang Senang

Jul 4, 2016

Saspek ketujuh kes bunuh Bill Kayong udah ditan raban polis


Raban polis ke mansik kes Bill Kayong udah ngetan saspek ketujuh, seiku lelaki beumur 27 taun, ba sebengkah palan nuchi kerita di Miri lemai ensanus (2 Julai).
Nitih ku Ketuai Opis Pemansik Penyalah Sarawak SAC Dev Kumar M.M. Sree Shunmugam dalam sebengkah penerang dipansutka iya lemai Hari Enam (ensanus), saspek ditan ngambika ulih ditukik bekaul enggau kes nya.
“Raban sida pechaya saspek tu beguna amat dalam pansik nya,” ku Dev dalam sebengkah penerang.
Ku iya nambah, pengawa ngeriman saspek tu udah dipinta ba Kort Majistret Miri kena lemai 3 Julai.
“Peminta ngeriman saspek ditulak kort ngujungka raban pemansik nadai pilih bukai kelimpah ari nitihka atur Kort lalu ngelepaska saspek nya,” ku Dev.
Pengawa nukik enam iku agi saspek ke ditan dulu agi ari nya mengkang dipejalai, ku iya nambah.
“Kami enda ulih mantaika penerang silik sentang pansik kes naka ke diatu,” ku Dev nyimpul.
Borneo post

0 komentar: